Ev tikintisi

Ev tikintisi və təmir işlərində keyfiyyətli nəticə əldə etmək üçün peşəkar briqada seçimi, düzgün material istifadəsi və işlərin planlı şəkildə icrası vacibdir. Bünövrədən başlayaraq dam örtüyünə, elektrik və santexnika sistemlərindən daxili dizayn işlərinə qədər bütün mərhələlərin peşəkar şəkildə görülməsi son nəticəyə təsir edir.
Ustalar.az saytında ev tikintisi xidmətləri və qiymətlər haqqında məlumat əldə edəcəksiniz.

Ev tikintisi xidmətləri və iş mərhələləri

Tikinti və təmir sahəsində görülən işlər bir neçə istiqaməti əhatə edir. Ən vacib hissələrdən biri santexnika və istilik sistemlərinin düzgün qurulmasıdır. Su xətlərinin səhv çəkilməsi sonradan divarların nəmlənməsinə, təzyiq problemlərinə və əlavə xərcə səbəb olur. Buna görə boruların keyfiyyəti, birləşmələrin möhkəmliyi və sistemin layihəyə uyğun qurulması vacib hesab olunur.
Elektrik işlərində isə yalnız kabel çəkmək kifayət etmir. Rozetka yerlərinin düzgün hesablanması, yükə uyğun kabel seçilməsi və təhlükəsizlik sistemlərinin quraşdırılması əsas şərtlərdən biridir. Xüsusilə mətbəx və sanitar qovşaqlarda əlavə qoruyucu sistemlər istifadə olunmalıdır. Alçipan konstruksiyalar və dekorativ fiqurlar interyerin görünüşünü dəyişən əsas hissələrdən sayılır. Tavan formaları, gizli işıq sistemləri və dekor elementləri otağın ümumi görüntüsünə birbaşa təsir edir. Burada ölçünün dəqiq götürülməsi və simmetriyanın qorunması vacibdir.
Döşəmə işlərində beton, laqa, laminat və parket fərqli yanaşma tələb edir. Beton səthin hamar olmaması laminatın sonradan boşluq verməsinə səbəb olur. Parketdə isə əsas məsələ materialın keyfiyyəti və düzgün montajdır. Kafel və qranit işlərində səviyyənin düzgün tutulması, kəsimlərin səliqəli olması və fuga xəttinin bərabər görünməsi nəticəyə ciddi təsir edir.
Malyar işləri də təmirin ən diqqət tələb edən hissələrindəndir. Oboy yapışdırılması, emulsiya vurulması və dekor tətbiqi zamanı divar səthi əvvəlcədən düzgün hazırlanmalıdır. Əks halda boya altında dalğalanma və çat görünür. Dam örtüyü, hovuz tikintisi, su rezervuarları, havalandırma sistemləri, fankoil və çiller xətlərinin çəkilməsi kimi daha texniki işlər də xüsusi təcrübə tələb edir.

Ev tikintisi və təmiri xidmətlərinin qiyməti

Ustalar.az saytında qiymətlər əsasən görüləcək işin növünə, istifadə olunan materiala və obyektin ölçüsünə görə dəyişir. Sadə karkas işləri ilə tam monolit tikinti arasında ciddi məbləğ fərqi yaranır. Təkcə divar hörgüsü və beton tökülməsi deyil, armatur qalınlığı, sement markası, beton keyfiyyəti və istifadə olunan texnika da yekun qiymətə təsir edir.
Orta hesabla bünövrə tökülməsi 1 kub metr üçün 140-220 AZN aralığında dəyişir. Əgər əlavə hidroizolyasiya və qalın armatur istifadə olunursa qiymət daha yüksək olur. Beton və monolit işlərində 1 kub metr beton tökülməsi material daxil 160-260 AZN arası hesablanır. Hörgü işləri kvadrat hesabı ilə orta hesabla 18-35 AZN arasında dəyişir. Dam örtüyü işlərində qiymət konstruksiyanın formasına və material seçiminə görə müəyyən olunur. Metal konstruksiyalı dam sistemləri kvadrat üzrə təxminən 35-70 AZN arası dəyişir. Kiçik ölçülü hovuzların tikintisi orta hesabla 6000-12000 AZN aralığında dəyişə bilir.

Usta seçimi zamanı nələrə diqqət etmək lazımdır?

Tikinti və təmir işində ən vacib məsələlərdən biri düzgün briqada seçimidir. Çünki keyfiyyətli material belə peşəkar olmayan iş nəticəsində öz effektini itirə bilir. Usta seçərkən ilk diqqət edilən məsələ əvvəl görülmüş işlərin səviyyəsidir.
İş zamanı səliqə və planlama da vacib sayılır. Təcrübəli briqada işi mərhələli şəkildə təşkil edir və bütün ustaların fəaliyyəti bir-birinə uyğun olur. Əks halda elektrik işi bitməmiş malyar işinə başlanır və nəticədə əlavə xərc yaranır. Müqavilə və zəmanət məsələsi də diqqətdən kənarda qalmamalıdır. Görüləcək işlərin siyahısı əvvəlcədən yazılı şəkildə müəyyən olunmalıdır. Bu yanaşma həm sifarişçini, həm də işi görən tərəfi anlaşılmazlıqdan qoruyur.
Material seçimində də ustanın yanaşması vacib rol oynayır. Peşəkar usta yalnız bahalı məhsul təklif etmir, istifadə sahəsinə uyğun material məsləhət görür. Qiymətin həddindən artıq aşağı göstərilməsi də risk yarada bilər. Çünki sonradan keyfiyyətsiz material istifadəsi və ya yarımçıq iş problemi ortaya çıxır.