Pitiminutka quraşdıranda diqqətli olun! - VACİB MƏQAMLAR

Payız-qış mövsümünün ən ağrılı mövzularından biri də mənzillərdə qaz sızmasından baş verən partlayışlar, dəm qazından zəhərlənmələrdir. Bina evlərində yaşayan vətəndaşların bəziləri özlərini bu təhlükədən sığortalamaq məqsədi ilə "pitiminutka"ları eyvana çıxarırlar.
Bundan əlavə, insanlar arasında belə bir fikir var ki, "pitiminutka"lar "kalonka" deyilən su qızdırıcılarına nisbətən daha təhlükəlidir. Bəs bu nə dərəcədə doğrudur?
Sovet dövründə tikilmiş binalarda el arasında "pitiminutka" deyilən su qızdırıcılarının eyvana çıxarılması təhlükəlidir. Çünki həmin binaların layihəsində bu nəzərdə tutulmayıb. Yeni binalarda isə bu layihəçidən, mühəndisdən asılıdır. Əgər bina inşa olunarkən layihədə nəzərdə tutulubsa, qızdırıcını eyvana qoymaq düzgündür, layihədə yoxdursa, qoymaq olmaz.
Pitiminutka quraşdırılan zamanı nələrə diqqət edilməlidir?
Pitiminutkanın quraşdırıldığı yerdə donma riski olmamalıdır.
Su qızdırıcısı bacaya mümkün qədər yaxın yerdə quraşdırılmalıdır.
Pitiminutka bir istilik mənbələrinə yəni mətbəxdə qazın, radiatorun və s. üzərinə quraşdırılmamalıdır.
Su qızdırıcısı asanlıqla işə salına biləcəyi bir vəziyyətdə və hündürlükdə quraşdırılmalıdır.
Hamam və duş kabinalarında pitiminutkaların istifadəsi qəti qadağandır.
Qaz sızıntısı nəzarətində heç vaxt alovdan istifadə edilməməli, yoxlanışlar sabun köpüyü ilə aparılmalıdır.
Təhlükəsizliyi və təzyiqi asanlıqla təmin etmək üçün təbii qaz girişində bir qaz klapanı və qaz nizamlayıcı quraşdırılmalıdır.