Qabyuyan maşınlar haqqında uydurmalar
Qabyuyan maşınlar, şübhəsiz ki, mətbəxdə böyük köməkdir, lakin hələ də onların istifadəsi və hətta əllə qabyumadan daha səmərəli olub-olmamalarına dair bəzi yanlış fikirlər var!
Birinci yanlış fikir: "Qabyuyan maşınlar əllə yumaqla müqayisədə daha çox su istifadə edirlər"
Düz deyil! Hətta ən böyük qabyuyanlar bir dövrəyə təxminən 12 litr su istifadə edir, halbuki bir çox çanaqları doldurmaq üçün 20-30 litr suya ehtiyac var. Üstəlik, 12 nəfərlik qabyuyanın tutacağı qədər əldə qab yumaq üçün su götürmək istəyirsinizsə, onu dəyişmək ehtimalınız ola bilər. Qiymətinə gəlincə, əllə yuma zamanı 10 il müddətinə qabyuyanla istifadə etdiyiniz sudan 7 dəfə çox su istifadə edəcəksiniz.
İkinci yanlış fikir: "Qabyuyan maşınlar əllə yumaqla müqayisədə daha çox enerji istifadə edirlər"
Yenə də, doğru deyil - xüsusilə əgər əl əməyini ölçürsünüzsə! Qabyuyan ehtiyacı olduğu qədər suyu qızdırır, onun mətbəx çanağından daha az su istifadə etdiyini nəzərə alsaq, əllə yumadan daha az enerji sərf etdiyi qənaətinə gələrik.
10 illik bir müddətdə qabyuyan maşın əllə yuyacaq enerjinin təxminən yarısını istifadə edəcək və saatlarla gərgin işinizə qənaət edəcəkdir.
Üçüncü yanlış fikir: "Qablarınızı və qazanlarınızı əvvəlcə əllə təmizləməlisiniz"
Qabyuyana yerləşdirməzdən əvvəl hər şeyi təmizləməlisinizsə, qabyuyanın nə mənası var, doğrudur? Elə deyil. Siz sadəcə böyük ölçüdə olan qida hissəcikləri və qalıqlarını təmizləməli və maşına yerləşdirməlisiniz.
Qabyuyan maşını bir və ya iki gün ərzində doldurduğunuz zaman qidanın orada qalaraq qurumasından narahatsınızsa, sadəcə durulama proqramını işə salın.
Dördüncü yanlış fikir: "İncə şüşə qablar qabyuyanda zədələnə bilər"
Şüşə qablarınızın qabyuyan maşında hər zaman təhlükəsiz olduğuna diqqət etməli olsanız belə, onların orada zərər görməsi üçün heç bir səbəb yoxdur. Şüşə qablarda ləkələnmənin qarşısını almaq üçün yüksək keyfiyyətli yuyucu maye və vasitədən istifadə etdiyinizə əmin olun. Bəzi qabyuyan maşınların incə şüşə qabların yuyulması üçün də proqramları var.
Beşinci yanlış fikir: "Qabyuyan maşınlar bakteriya mənbəyi ola bilər"
Cihazınızın həmişə təmiz olmasından əmin olmaq üçün mütləq ona qulluq etməlisiniz, lakin qabyuyan maşın mətbəx çanağından daha gigiyenikdir. Yüksək yuma tempraturu və xüsusi təmizləmə proqramları sayəsində hər bir yuma dövrü ərzində bakteriya və mikrobların böyük əksəriyyəti məhv olur. Sizcə o süngərdə nə qədər mikrob və bakteriya yaşayır?
