Su filterləri necə işləyir?
Su filterləri artıq çoxdandır ki, insan sağlamlığının təminatçısı rolunu oynamaqdadır. Su filterleri bizi daha təmiz və zərərsiz, daha keyfiyyətli su ilə təmin edən müasir ev avadanlığına çevrilmişdir və müasir dövrdə olduqca ehtiyac duyulan məhsullardan biridir. Bu baxımdan da su filterləri adi günün ayrılmaz və qaçılmaz reallığıdır.
Su filterləri adından da göründüyü kimi suyun təmizlənməsini təmin etmək xüsusiyyəti daşıyır. Su filterləri bir qayda olaraq suyun mexaniki qalıqlardan, həll olmayan hissəciklərdən, xlor və onun müxtəlif birləşmələrindən, çoxsaylı virus və bakteriyalardan, ağır metallardan və sairdən təmizlənməsi məqsədi ilə istifadə edilən xüsusi cihazdır. İçməli suyun əldə edilməsi üçün istifadə edilən məişət filterlərinin əsas üç qrupa bölmək olar: sadə məişət filterləri, orta səviyyədə təmizləmə filterləri və yüksək hədd su təmizləmə filterləri. İlk ikisində prinsip və mexanizm olduqca sadədir. Yüksək hədd su təmizləmə filterləri isə bir qədər mürəkkəb mexanizmə malikdir. Əsas prinsipi geriyə çəkmə üzərində qurulmuşdur. Bu, müasir dövrümüzdə su filterləri sahəsində ən son nailiyyət və qabaqcıl texnologiyaların tətbiqi ilə meydana gəlmişdir. Ötən əsrin 70-ci illərindən başlayaraq daha çox sənayedə tətbiq edilən bu tip su filterləri zaman-zaman məişətimizə də yol açdı. Hazırda isə müasir texnogen məişətimizin ayrılmaz tərkib hissəsinə çevrilmişdir.
Bəs necə olur ki, bir cihaz sayəsində evimizə gələn su təmizlənir? Bu proses necə baş verir? Bir qayda olaraq su filteri cihazında əsas tərkib hissələri kimi, suyun zəif təmizlənməsi filteri, reagent hazırlıq sistemi, yüksək təzyiq nasosu, filtrasiya edən modulların blloku, idarəemə cihazları və göstəriciləri təqdim edən hissələr mövcud olur. Su filterinin əsas elementi xüsusi korpusa yerləşdirilmiş yarımkeçirici geriçəkim membranıdır. Suyun son halı oradan keçirək iki hissəyə bölünür: təmiz su və tullantı. Mütəxəssislər təmiz suya adətən permeat, tullantıya isə konsentrat deyirlər. Suyun membran içərisindən keçirilməsi prosesi nasosun yaratdığı yüksək təzyiq altında baş verir. Ümumiyyətlə, bu tip su filterlerinin əsas özəlliyi də ondan ibarətdir ki, xüsusi sistem hesabına membranda çöküntülərin formalaşmasının qarşısı daima alınır. Bu da su filterlərinin istismar müddətini artırır, su filterlərini uzunömürlü edir. Su filterində məsrəfi nəzarətdə saxlamaq üçün müxtəlif kiçikhəcmli ölçü cihazları mövcuddur. Su filterinin sisteminin düzgün işləməsinə nəzarət avtomat və yarımavtomat rejimlərində baş verir. Su filtterlərində olan geriçəkim membranının keyfiyyətini ölçən cihaz isə TDS-metrdir. Məişətdə ən geniş şəkildə tətbiq edilən su filterinin növü isə 3 katricli mexaniki təmizləmə edən filterlərdir. Bu cür filterləri Amerikada, Avropada və bir sıra Asiya ölkələrində geniş tətbiq edilməkdədir.
